полку против: «Сей человек противника соб? хощет, азъ хощу с ним видатися!». И пыхая, яко левъ, аки жених,//л. 307, об. хотя восприяти в?нець Небеснаго Царствия. Бяше шлем вооруженъ архаггелского образа схимою по повелению игумена Сергия. И глагола: «Отце и братия, простоте мя, гр?шнаго, и благослов?те! И ты, брате, прости мя, гр?шнаго, от себе и моли Бога за мя». Войско же все едином гласом вопиюще: «Поиди, господине, Богъ да простит тебе». «И с(вятой) Сергий, помагай ми, рабу своему молитвою своею на безбожнаго сего печеніга, аже на мя вооружися». Онъ, без- бежный печен?г, устремися противу ему, глаголющи: «От(ец) Магмет помози!». Вой же християнстии вси воскликнуша едиными усты: «Боже нашъ, помози рабу своему!». И ударишася крепко два богатыре межи собою, аки силныи громы грянуша, егда м?сто не проломися под ними. А падоша оба с коней своихъ, и ту оба скончашася.

И се ж наставши час третий дне. Вид?вши ж то князь вел(икий) Дмитрий Иванович, и рече своим войском: «Се уже, братие, поганый суть, гост? наши, приближаются к нам, испиваютъ полный чаши, и ведут соб? поведенную, иныи жъ от нихъ испиша и веселы быша». Ужъ бо время, подобный час, прииде кождо ко своим конемъ и поскочиста вси, аки медовныя чаши пити, храбрым же сердца веселястася, а имъ сердца ужасастася, и кликнуша едным гласом: «С нами Богъ!». И паки: «Боже християнский, помози намъ на противныя враги, и не дай же, Господи, в посм?хь врагом нашим, но дай же, Господи, помощъ на враги наша». Печен?ги ж з вой кликнуша, призывающе своих боговъ Магмета: «О Магмит, помози намъ и моли Бога о нас». Ступишася велицыи полцы и кріпко биющися и на //л. 308 прасно. Щипляются щиты богатырский о злаченыя[Испр. по У. Е злычныи.] досп?хи, а лиется кровъ богатырская под сідлами коваными, блискаютъ шаблі булатный около голов богатырских, котятся шоломы позлащенный с личинами добрыми конемъ под копыта, валяются головы многихъ богатырей з добрых коней на сырую землю, и подоптаны бываютъ. Не едины богатырие руские биены быша, но и татарскихъ ведвое. Не токмо бо оружиемъ биющеся, но и самы от себе разбивахуся. Под трупиемъ мертвым многие живыи умираху, от великия т?сноты издыхаху, яко же бо немощно вм?ститися имъ на пол? Куликове,[Испр. по У. Е Кулинове.] еже м?сто т?сно межи Дономъ и Мечею.[Е на поле Дон и Меча р?ки.] На том бо поли силныи и велицыи полцы снимашася, из нихъ выступили ²⁴кровавые зари²⁴,[24–24 Испр. по У. Е крвавыи езера.] блистание же мечное трепеташеся, аки молнии, из рук богатырских от мечнаго січения. Бысть же тогда тр?скь и ломъ великъ копейный, яко же бо не мощно зр?ти никого же. Сего грозного дни и страшнаго часа во единъ убо час во мновении ока от толикъ тысячъ создания Божия погибоша неисчетенно. Воля же Господня совершается, не ослаб?ются християне з печеніги.

Юже шестому часу наставшу, Божиим попущением, а нашихъ ради согрішений нача одолівати поганый, ²⁵а християне уже восияха на хвалу же. Уж везется дивно на землю. Уж от много²⁵[25–25 у крестиан. Уже бо восияет хула на хвалу. Уже бо верже гея диво на землю. Уже мнози от.] храбрыхъ богатырей и юнот рускихъ побиены суть. Богатыре иже руские, аки древо дубравно, скланяются на землю, под борзый кон?й копыта. Мнози же сынове рустии сотрошася и погибоша. Самаго же великого князя Дмитрия уязвиша велми, иже нужею склонися с коня и иде //л. 308, об. з побоища, яко не мощно ему битися. Южъ Божиим неизнеможением стязи великого князя подс?коша поганый, но не стязишася, ноипаче кр?пишася.

Се же слышахом от в?рнаго самовидца, глаголюща. Сей же б? от полку Володимерова Андреевича, пов?да вид?ние вел(икому) князю: «Во шестую годину сего дни в?д?в над ними небо отверсто, из него же изыиде облак, яко рання зоря и над ними низко держащися. Той же облакъ исполненъ рукъ челов?ческихъ, каяждо рука держаши оружие и отпустишася от облака того на главы християнскии».

Поганый жъ уже обыидоша отовсюду, християнстыи полцы оскуд?ша: уже бо мало християнъ, а все поганый. Вид?въ же князь Володимеръ Андр?евичъ великую поб?ду христианскую, аки класы бо пшеничныи подавляеми тернием, а терние растяше и буяше. Благородный же князь Володимер Андр?евичъ не могий того терп?ти победы християнской и рече Дмитрию Волынскому: «Брате Дмитрий, кая бо полза стояние наше, який усп?хъ будеть намъ, уже кому имамы помощи». И рече Дмитрий: «Б?да уже, княже, велика, не уже[Испр. по У. Е у.] прииде наша година: начиная убо без времени, вред себ? прииметъ. Мало убо претерпи до времени подобна, да получимъ. В они же здравие отдадимъ противником поганым. Нын? толико Бога призывайте». Осмаго часа година, в он же имат быти благодать Божая и помощъ християнская. Князь же Володимеръ Андр?евичъ, возд?въ руц? на небо, и рече: «Господи Боже нашъ, сод?телю тваре, сотворивый небо и землю, предстояй на ны крамолы д?ет. Не дай же о нас радоватися врагом нашим поганымъ //л. 309 мало показни нас, много помилуй, бездна бо еси милости». Сынове рустии в полку его плачуща, видяще друзи свои братия погибаемы, непрестанно покушающийся, яко звани[Испр. по У. Е звинии.] на бракъ сладкаго вина пити. Волынец же возбраняше имъ: «Пождете мало,[Испр. по У. Е мал.] буевы сынове, есть бо когда ут?шатися, есть бо и вамъ с кимъ веселитися!». Присп? же час осмый, абие потягну духу южну созади нас. Возопи Волынецъ гласомъ великим: «Княже Володимере, час прииде, время приближися!», рече: «Братия моя милая и друзи, дерзайте, сила бо святого помагаетъ намъ!». Богатыре же рустии выяхаша из дубровы зеленыя, аки ясный соколы удариша на журавины стада, тако и сии удалци направлены кр?пким воеводою. Бяху бо, яко Давыдовы отроци, сим сердца аки и лвова, поистинн? бо лвовы образы имущи, яко стадо приидосте.

Поганый же вид?вше мнози полцы и кликнуша: «Увы нам, Русь умудрися паки: юншии бо ся с нами браша, а богатыреве вси соблюдошася». И обрати- шася и даша плещи и поб?гоша. Сынове же рустии силою Святого Духа гониша и гнаша ихъ помощию святых страстотерпецъ Бориса и Гл?ба. Поганый же с?чены быша, аки л?сы кланяхуся, аки трава от косы постилается. Б?жащии гла- голюще еллински: «Увы, увы тоб?, нечестивый Мамаю! Вознесый бо ся высоко и до ада сшел еси!». И мнозыи же уязвенныи наши рустии, помагаютъ намъ, с?куше без милости: ни единому же паки мощно б? како уб?жати, зане же кон? ихъ потомилися.

Мамай, вид?в б?ду свою, нача призывати боги своя Перуна и Салавата,[Испр. Е. Я, У Савата.] и Раклия, и Гурса, и//великого своего пособника Магмета. И не бысть ему помощи от нихъ, силою бо Святого Духа, яко огнемъ, татарский полки пожигаются, рускими мечы пос?каются. Вид?в же беззаконный царь Мамай б?ду свою, иже новые людие приидоша, и рече своимъ угодникомъ: «Поб?гнемъ, ничто же добро чаяти, но свои головы упасемъ!». И абие поб?гоша со четырми мужми.

Мнозии же сынове рустии гнаша по нихъ и не одол?ша о конех ихъ, яко ц?лы суть. Гонящии же ихъ возворотишася и обр?тоше множество трупия мертвых поганых обаполъ р?ки Непрядвы, идеже быти мощно полкомъ християнским. Сии жъ биемы от святыхъ мученикъ Бориса и Гл?ба, о них же предповіда Фома разбойникъ, егда ж на сторож? стоя. Богатыре же рустии гоняху тогда, вс?хь погубиша и возвращахуся вси под свое знамя.

Княз же Володимеръ Андріевичь ставь под знамением чермнымъ на костехъ и не обріте брата своего великого князя Димитрия Ивановича в полку, но токмо литовским княз? Олгирдовичи едины. И повелі трубити со избранною трубою. Пожда часъ и не обріте вел(икого) князя, и нача глаголати: «Братия, кто вид?[На этом слове кончается пропуск в Я.] или кто слыша своего пастыра. Первопорожденный пастырь разыидутся овца, то кому честь довліеть и кто сея поб?ды поб?дникь явится?». И р?ша ему литовским князі: «Мы мнимамы, яко живъ есть, но уязвенъ велми, егда во трупіхь мертвыхъ будет». А иный рече: «Азъ его видіхь пятого часа кріпко // биющася палицею своею». Иный рече: «Азъ послі того видіхь с четырми печеніги, належат ему велми, он же ³¹крепко бияшеся с ними³¹.[31–31 Доб. по Т. Е, Я, У нет.] Нікто юноша князь, именем Стефанъ, новасилский князь, и тот рече: «Азъ видixъ его пред твоим приходомъ, піша, идуща с побоища, уязвенна велми. Того ради не многохъ ему помощи — гоним треми татарины, но милостию Божиею едва от нихъ спасохся, а много от нихъ пострадахъ, извістно видіте».