будет Бог на помощь. Сказание: молися Богу; в деле сем после печали радость; не печися о деле сем.

Яко же просиши и мыслиши, человече, помыслы твои сбудутся. Сказание: во орудии твоем сбудется; супостаты твои падут под ногами твоими, на мольбу приходиши.

Господь всех человек кормит, благодать по вся дни с прибытком. Человече, насытишися во орудии сем. Бог тебе на помощь. Сказание: радость повидает орудие се, от печали в радость придет.

Пространно время, человече, возвещает неключимы, имаши бо, человече, казни и недруга, и ты не бойся лукавых словес его и лести, поимей путь истинный. Сказание: явится орудие се лестно найдет: беретчися.

Три суть ангелы Божии: первое обрящеши благодать, второе от добра нрава, третье от Бога с прибытком и с радостью примешь. Сказание: на пользу орудие и честь славу знать дело се. Бог тебе на помощь.

Никако же, человече, имаши все, не пекися: Бог тебе даст и наставит тя на дело благое. Сказание: после печали радость являет с прибытком. Бог тебе на помощь, все добро будет.

Лют путь — отбежи и велик мятеж и скоро примеши. Бог ти на помощь. Сказание: с прибытком явится орудие твое, и печали исполниши уста свои.

Лишися плода земного, человече; аще пождеши, воспримеши доброту. Сказание: на юноши явится орудие се, попечалуйся о деле сем — добро будет.

Прия, человече, напрасное дело, твое орудие — всем врагам твоим мятеж: веруй [Спасу Христу]; от печали в радость. Сказание: добро орудие твое. Бог тебе на помощь. Вознесши смирися.

Николи же человече, скорби во орудии сем, о нем же молися Богу. Заступит тя Господь, рассыпает радость твою, угасит огонь лютый. Сказание: в зависти, в клеветах явится орудие твое, молися Богу: приимеши благодать.

Безсоблазнством вопрошайся, человече: хощеши орудия сего, да не вечно будет в животе сем скончася. Сказание: во век вечно дело твое с трудом являет.

Неуморив Бог твой; смотри себе, человече, у друга своего свое орудие; победиши супостата своего, то врази твои прелесть деют. Сказание: зависть явит во орудии твоем, молись Богу: скоро примешь одоление.

Что всуе трудишись? и ты отступи орудия сего: будет ти велик убыток; лишись орудия сего — без печали поживешь. Сказание: на концы лукавого явится орудие твое; измени сие дело, и скоро приимеши милость Божию.

Бежит заяц, и впадет в тенета, и выдерется, и возрадуется заяц о воле своей, тако и ты возрадуешься орудию сему. Бог тебе на помощь.

Не уповай ни на кого: Бог ти помощник; егда всем обладаешь на сердце, человече, имееши речи, враги твои падут под ногами твоими. Сказание: надежду и славу добру имей и поспех, и поучение явится, хощеши и приимеши.

Уповай на Господа, помысел твой будет, человече; врази твои вредятся. Сказание: с места на место и врагам твоим посрамление будет во орудии твоем.

Что, человече, трудившись, сам в печали влагаешись? многие неправды и суды являются. Сказание: берегися орудия сего, получишь со славою.

Грядя аки тур на горах, одолеешь спорников твоих. Сказание: подвиг с честию являет, орудие твое скоро явится.

Уповай, человече, всем добро дееши. Не печалуйся и веруй с надеждою. Сказание: светло орудие се является и сбудется.

Виноград добро время начав без печали пожнешь; пророк сказал: своим спасешися. Сказание: добро являет орудие се; подщися, добро будет. Бог ти на помощь.

Бог тя помощник, человече; даст ти надежду добру. Бог твой венец прият и помысел твой, но буди тчив. Сказание: пожди, человече, мало время, все будет ти добро. Бог на помощь, потщись, добру радость получеши.

Учению наследуешь благому, добро будет; человече, обогащаеши сам себе, труд приимеши и ничтоже творя, блюди, труды на конце будут. Сказание: лукаво является орудие твое, мир имать дело твое.

Ныне время начинати всякое дело всякому человеку, приимеши радостную жизнь с Богом, надежда добра будет. Сказание: с радостию великою явится дело твое и орудие се на всякий день благословенно.

Ловец убо мрежу[13] вверже в море и ждет извлещи ее; ныне человече, благ ты во орудии сем. Сказание: аще пождеши, добро будет дело се о Бозе. Бог тебе на помощь.

Не искусиши, человече, токмо точию дело се; имей Бога помощника и молися ему. Сказание: от беззакония искус приимеши, а опосле справится дело се и орудие.

Рече Господь: человече болящему исцеление сие, печальных помощник от худа, человече, идеши на добро. Бог тебе помощник. Сказание: добро орудие сие, молися Богу.